Noblesse Key

I am a kenneth.










.





Wednesday, October 20, 2010

Wala nay mo PLURK

Mass Communication...Usa ka kurso nga gisuya-an sa kadaghanan.Dili na usa ka bag-ong panhitabo nga kung ikaw usa ka Mass com student, magatu-o ang uban nga perte kang mupaka og Iningles.Pero wala sila kabalo nga nagkalisud pud di-ay to. Sa ni-atong high school pa ko, Mass Communication ang ginapangandoy nako nga kurso apan pagtungtung naku sa kolehiyo, nabag-o ang akung gusto. Civil Engineering ang akung gikuha kay gatu-o ko nga bright ko og geometry, trogonometry, physics, og statictics. Wala man pud ko nasayop, nakapasar ra man pud ko, flat one pa man gani sa uban nga subjects, samtang ang uban nagkalisud og sakit dyud tung nahagbong. Apan ang kapalaran wala mu-uyon sa akong gusto, wala ko makapadayun og eskwela tungod sa problema sa kwarta. Nganu man gud ning kwarta nga dalli ra mang mawala, arangan biya mi sa-una. Ing-ana gud dagway na basta palahubog ang imung amahan og sugarol ang inahan. Apan ang ginikanan, ginikanan lang gihapon, ma-ilisan na ang tanan pero dili ang pamilya. Usa ka tu-ig intawun kung na-"bore" sa amung balay, nangita ko og trabaho apan disi-syete pa man intawon ko, dili sad ko ganahan mahimung tapasero og labi na ang katabang. Munang ang nahitabo, kaon, kasaba, lantaw og salida, katulog ang akong matag-adlaw na lihuk. Dili nako musaysay og todo kay makahilak niya mo.

Mahuman ang usa ka tu-ig, nakalingkawas na intawon mi sa kalisud. Mi-ingon ang ang akong amahan nga makabalik na ko sa pag-iskwela. Lipay na untana ko apan kinahanglan ko mukuha ug la-in nga kurso kay mahal na ang pliti pa-ingon sa Bajumpandan. Ang pinaka-unang kurso nag misulod sa akong alimpatakan kay ang Mass Comm. "Hay! Balik na pud ko og first year," bagulbul na ko. Wala ko magtu-o nga aduna pa di-ay swerte nga nakakabubit nako. Wala man di-ay major ang Mass Comm kung first year, munang second nako diritso. Lipay na sad ko. Pahilum-hilum sa unang mga simana sa klase. "Misteryoso" ingon sa akong mga isip magtutungha. Apan wala magdugay, nakita na ang hilas sa akong pagkatawo. Daghan ang nakuratan, apan wala koy paki-alam. Nahuman na ang usa ka tu-ig, sayun ra man tanan. Major?, hmmp...wala'y "challenge". Galibug ko kung sayun ra o kung utukan ra gud ko. Ayaw na og "plurk" kay ako ning estorya.

Mi-abot na pud ang bag-ong semester, third year na ko da. Kapaspas sa panahon ui. Hangtud karun dili lang gihapan ko makatuo nga baynte ra ming tanan apan ang kasaba sa among klase. Sulay og bisita kay kaila kag tyangge. Ang pagtu-o nako dako nako og baba apan pagsulod nako sa Mass Comm nahimo kong amang. Matar! Ang baba sa akong mga classmate perte gung dagku-a apan dili mailhan kay mga gagmay ra ba. Pero dili tanan, naa pu'y dagko basta dako dyud. Kung unsa kalami ang kinabuhi nako sa mi-aging tu-ig, muna pud kalisud karon. Ang major nga masayun-sayu ra, karon makaboang na. Requirements ba mong perteng daghana, ug sa tubg pa, nalumos na ko. Apan kini kabalo ko nga usa lang ka pagsulay, wala'y lisud sa tawong kabalo maningkamot og maningti-il.

0 keywords:

Post a Comment

I am a very understanding person, so feel free to leave your nice and wonderful comments.